Naızaǵaı, burshaq, kúshti jel: Úsh oblysta kún buzylady
NUR-SULTAN. QazAqparat - Sınoptıkter 5 maýsym kúni birqatar óńirlerde aýa raıynyń buzylýyna baılanysty eskertý jarııalady, dep habarlaıdy QazAqparat Qazgıdrometke silteme jasap.
5 maýsym tańerteń jáne kúndiz Qyzylorda oblysynyń keı jerlerinde soltústikten, soltústik-shyǵystan soǵatyn jeldiń kúshi 15-20, 23 m/s deıin jetedi. Kúndiz keı jerlerde shańdy daýyl kútiledi.
Osy kúni Shyǵys Qazaqstan oblysynda kúndiz keı jerlerde nóser jańbyr jaýady. Keı jerlerde naızaǵaı jarqyldap, kúndiz burshaq jaýýy múmkin. Daýyl turady. Ońtústik-shyǵystan coqqan jel ońtústik-batysqa aýysyp, keı jerlerde jel ekpini 15-20, kúndiz 25 m/s deıin kúsheıedi.
Óskemen qalasynda 5 maýsymda tańerteń jáne kúndiz naızaǵaı kútiledi. Burshaq jaýýy múmkin. Ońtústik-shyǵystan soqqan jeldiń kúshi 15-20 m/s deıin jetedi.
Semeı qalasynda osy kúni naızaǵaı oınaıdy, kúndiz burshaq jaýýy múmkin. Ońtústik-shyǵystan coǵatyn jel ońtústik-batysqa aýysyp, ekpini 15-20 m/s deıin kúsheıedi.
5 maýsym kúni Qostanaı oblysynyń keı jerlerinde naızaǵaı jarqyldap, burshaq jaýady. Soltústik-batystan soqqan jeldiń ekpini sekýndyna 15-20 metr bolady.
Osy kúni Qostanaı qalasynda naızaǵaı oınap, soltústik-batystan kúshti jel soǵady. Jer qarqyny 15-20 m/s bolady.
