Naızaǵaı, burshaq, aptap: Birneshe óńirde eskertý jarııalandy
NUR-SULTAN. QazAqparat - Aýa raıynyń buzylýyna baılanysty birqatar óńirde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
24 maýsym túnde Aqmola oblysynyń keı jerlerinde naızaǵaı jarqyldap, soltústikten jáne soltústik- batystan jel soǵady. Jel ekpini - 15-20 m/s. Óńirdiń basym bóliginde óte joǵary órt qaýpi saqtalady.
24 maýsym kúndiz Shyǵys Qazaqstan oblysynda keı jerlerde kún kúrkirep, daýyl turady. Burshaq jaýady . Ońtústik-shyǵystan soqqan jel soltústik-batysqa aýysyp, keı jerlerde jel qarqyny - 15-20, ekpini - 25 m/s jetedi.
Óskemen jáne Semeı qalalarynda naızaǵaı oınap, burshaq jaýady. Ońtústik-shyǵystan soqqan jel soltústik-batysqa aýysyp, ekpini 15-20 m/s deıin kúsheıedi.
24 maýsym túnde jáne tańerteń Qyzylorda oblysynda soltústik-shyǵystan jel
soǵady. Jel jyldamdyǵy keı jerlerde 15-20 m/s jetedi.
24 maýsym kúndiz Mańǵystaý oblysynda 39 gradýs aptap ystyq saqtalady.
foto: 24.kz