«Naızaǵaı-2010» taktıkalyq jattyǵýy sátti aıaqtaldy
ASTANA. Sáýirdiń 1-i. QazAqparat - «Kóktal» polıgonynda «Naızaǵaı» brıgadalyq taktıkalyq jattyǵýynyń belsendi kezeńi ótip, onyń barysyn Qorǵanys mınıstri Ádilbek Jaqsybekovtiń jáne QR qarýly kúshteri Qurǵaqtaǵy áskeriniń bas qolbasshysy , general-maıor Murat Maıkeev baqylady.
Naýryzdyń 24-inde bastalǵan manevrlerge Qurǵaqtaǵy áskerdiń Aeromobıldi áskeriniń qurylymdary men bólimsheleri, Áýe qorǵanys kúshteri armııasy avıatsııasynyń tikushaqtary, barlyǵy 2 myńǵa jýyq adam jáne 270-ten astam áskerı tehnıka, onyń ishinde zeńbirekter, dúrkindetip atýdyń reaktıvti júıesi men mınometter qatysty. Jattyǵýǵa Aeromobıldi áskerdiń qolbasshysy , general-maıor Ádilbek Aldabergenov jetekshilik etti.
Qorǵanys mınıstri Ádilbek Jaqsybekov jattyǵýdyń qorytyndysyna qanaǵattanarlyq bildirip, onyń barysynda jeke quramnyń baǵa jetpes taktıkalyq tájirıbe alǵanyn atap kórsetti.
