Naırobıdegi áýejaıda myńdaǵan jolaýshy ereýilge baılanysty qamalyp qaldy
ASTANA. KAZINFORM — Kenııa astanasyndaǵy Naırobı halyqaralyq áýejaıy Djomo Kenıata atyndaǵy myńdaǵan jolaýshy jumysshylar ereýili saldarynan áýejaıda qalyp qoıdy. Bul týraly Belta Africanews-ke silteme jasap, habarlady.
Portaldyń dereginshe, myńdaǵan adam áýejaıdyń kire berisinde otyr. Basqa jolaýshylar ushýǵa múmkindik bolmaǵandyqtan, termınal ishinde qamalyp otyrýǵa májbúr.
Kenya Airways osy eldiń negizgi avıakompanııasy retinde saıahatshylardy ushaq reısteriniń jaǵdaıyn aldyn ala tekserýge shaqyrdy.
Africanews materıalynda áýejaı qyzmetkerleri ereýilge ótken aptada shyqqany habarlanǵan. Bul jumysshylardyń eńbek jaǵdaıyn jaqsartý, jalaqy men jeńildikter týraly profsoıýz ben bılik arasyndaǵy kelisimniń toqyraýǵa ushyraýy saldarynan bolyp otyr.
Aıta keteıik, buǵan deıin Kenııada eýropalyq týrıster mingen ushaq apatqa ushyraǵanyn jazǵan edik.