Naıhın selosyndaǵy ınternattyń 50-den astam tárbıelenýshisi «dońyz tumaýymen» aýyryp jatyr - Reseı
ASTANA. Qazannyń 28-i. QazAqparat - Reseıdiń Habarov ólkesinde Nanaı aýdanynyń Naıhın selosyndaǵy mektep-ınternattyń 56 tárbıelenýshisiniń A/N1N1 tumaýymen aýyryp jatqany zerthanalyq jolmen rastaldy,
dep habarlady sársenbi kúni «RIA «Novostı» agenttigi ınternat ókiline silteme jasap.
«Rastalǵan dıagnozdardy biz keshe aldyq. Qazannyń 22-si men 27-si aralyǵynda 56 bala aýyryp aýrýhanaǵa tústi, olardyń birazy birer kúnde jazylyp shyqqaly otyr, olardyń jaǵdaıy qanaǵattanarlyq», deıdi ınternat ókili. Bul faktige qatysty «Rospotrebnadzor» agenttiginiń túsindirmesin ala almadyq, dep habarlaıdy «RIA «Novostı».
Seısenbi kúngi málimetter boıynsha, ólkede A/N1N1 tumaýymen aýyrýdyń 142 oqıǵasy zerthanalyq negizde qýattalǵan, olardyń 122-si - oqýshy, 12-si mektep jasyna jetpegen balalar, segizi - eresek azamattar.
