Naıb-múftı Serikbaı qajy bıylǵy Qurban aıttyń ereksheligin atap ótti
ASTANA. QazAqparat - Bıylǵy Qurban aıt erekshe bolyp otyr. Óıtkeni aıttyń aldyndaǵy Arafa kúni men juma kúni cáıkes keldi. Bul týraly búgin ótken baspasóz máslıhatynda QMDB naıb múftıi, "Áziret Sultan" meshitiniń bas ımamy Serikbaı qajy Oraz aıtty.
"Jalpy Islam dininde eki úlken mereke bar. Onyń biri Oraza aıt bolsa, eń úlken mereke bolyp sanalatyny - Qurban aıt. Munyń sebebi dál osy meıramda kúlli musylman balasy qurban shalyp, aıt namazyn oqyp, qasıetti Mekkege qajylyqqa barady", - dep atap ótti ol.
Serikbaı qajynyń aıtýynsha, osy ulyq merekeniń bastalýyna eki kún qaldy. Al erteńgi kún Arafa dep atalady. Osy kúni qajylyqqa barǵan adamdar Arafat taýynyń etegindegi jazyqta turyp, kún batqansha duǵa etedi. Olardyń tilekteri toqtaýsyz qabyl bolady.
"Bizdiń halqymyz da Arafa kúnin erekshe qasterlep, bireýler ıis shyǵaryp, nan pisirip jatady, bireýler Aıtqa daıyndyq jasap jatady. ıAǵnı osy kúni olardyń da izgi nıeti qabyl bolary sózsiz. Bıylǵy Qurban aıttyń ereksheligi - osy Arafa kúni juma kúnimen sáıkes kelip otyr. Bul birneshe onjyldyqta ǵana sáıkes keletin kúnder. Eger juma kúni men Arafa kúni sáıkes keletin bolsa, sol jyly qajylyq jasaǵan adamdardyń saýaby birneshe eselenip, uly qajylyq jasaǵan bolyp sanalady", - deıdi naıb múftı.
