Navaz Sharıf óz partııasyn jeńimpaz dep jarııalady - Pákistandaǵy saılaý
ASTANA. 13 mamyr. QazAqparat - Pákistannyń burynǵy premer-mınıstri Navaz Sharıf sońǵy saılaýdan keıin kelesi úkimetti quratynyn málimdedi.
12 mamyr kúni jarııa bolǵan aldyn ala parlament saılaýynyń nátıjeleri boıynsha Sharıftiń Pákistan Musylman Lıgasy 272 orynnyń 130-yn ıelenip, parlamentte kópshilikke aınalǵaly tur, dep habarlaıdy «Azattyq».
Resmı derek boıynsha Pákistanda 11 mamyr kúni ótken saılaýda 86 mıllıon saılaýshynyń 60 paıyzy daýys bergen. Sol kúni daýys berýshilerge jasalǵan shabýyldar kezinde 20-ǵa jýyq adam qaza tapqan. Biraq soǵan qaramastan Pákistannyń tarıhynda birinshi ret azamattyq úkimet bir merzim qyzmetin tolyq atqaryp, kelesi úkimet quramy anyqtalyp jatyr.
Buǵan deıin de Pákistannyń eki márte premer-mınıstri bolǵan Navaz Sharıf óz partııasyn jeńimpaz dep jarııalap, basqa saıası kúshterdi yntymaqtastyqqa shaqyrdy.
