NAVAI isi toqtatyldy: ánshi Qazaqstannan deportatsııalandy
ASTANA. KAZINFORM — Polıtsııa Jambyl oblysyndaǵy shekarada ustalǵan tanymal mýzykant Navaı Bakırovtyń isine qatysty sheshimge túsinik berdi, dep habarlaıdy Kazinform tilshisi.
Áleýmettik jelilerde reper NAVAI-diń qamaýdan bosatylyp, Reseıge ketkeni týraly aqparat tarady.
Biz resmı túsinikteme alý úshin Jambyl oblystyq sotynyń baspasóz qyzmetine habarlastyq. Olar qylmystyq is sotqa berilmegenin málimdep, saýaldy tergeý organdaryna nemese prokýratýraǵa joldaýdy usyndy.
Polıtsııa mýzykantqa qatysty qylmystyq isti toqtatý týraly sheshim qabyldanǵanyn rastady.
— Reseılik reperge qatysty qylmystyq is, qylmystyq-protsessýaldyq zańnama talaptaryna sáıkes, shyn ókinýi jáne onyń alǵashqy qylmysy ekendigi eskerile otyryp, aqtalmaıtyn negizder boıynsha toqtatyldy, — dep málimdedi departament.
Polıtsııanyń málimetinshe, protsessýaldyq sheshimdi qadaǵalaý organy bekitken. Sheteldik azamat Qazaqstannan deportatsııalandy.
Eske sala keteıik, NAVAI buryn elge kirgen kezde Qordaı shekara beketinde ustalǵan.
Keıinnen NAVAI-dyń shekaradan esirtkimen ótýi boıynsha tergeý bastaldy.
