Naýyrzym qoryǵyndaǵy órtke qatysty qylmystyq is qozǵaldy
QOSTANAI. QazAqparat - Naýyrzym tabıǵı qoryǵynda bolǵan órttiń sebepteri anyqtaldy, dep habarlaıdy QazAqparat oblystyq TJD baspasóz qyzmetine silteme jasap.
Vedomstvodan málim etilgendeı, órttiń bastalǵany týraly habar Naýyrzym aýdany Qaramendi aýylyndaǵy órt sóndirý beketine keshe saǵat 17:34-te túsken.
«Ashyq alqaptarda qurǵaq shópti órteý jumystary júrgizilgen. Biraq, jeldiń jyldamdyǵy 19 m/s deıin jetip, jalyndy órshitip jibergen. Bul protsess adamdardyń baqylaýynan shyǵyp ketken. Órt Aqbulaq aýylynan Naýyrzym qoryǵyna deıin jetken. 19 sáýir kúni saǵat 02:10-da órt tolyqtaı sóndirildi. Dala órtin sóndirý jumystaryna 128 adam, 26 arnaıy tehnıka qatystyryldy. Órt aýmaǵy 500 ga qurady», - dedi oblystyq TJD baspasóz hatshysy Ýálıhan Dosanov.
Órt ornynda Qostanaı oblystyq ІІD jedel-iz kesý toby jumys istep jatyr. Aldyn ala málimet boıynsha, órt adamdardyń abaısyzdyǵynan bolǵan. QR QK 292-baby («Órt qaýipsizdigi talaptarynyń buzylýy») boıynsha qylmystyq is qozǵaldy.
Eske salsaq, tótenshe jaǵdaı keshe Naýyrzym aýdanynan 15 shaqyrym jerdegi Aqbulaq aýylynda boldy. Saldarynan 500 ga dala alqaby órtke orandy.
