Naýyrzym qoryǵy taǵy da órtendi
QOSTANAI. QazAqparat — Qostanaı oblysynyń Naýyrzym qoryǵynda órt shyqty, dep habarlaıdy QazAqparat oblystyq TJD baspasóz qyzmetne silteme jasap.
«Naýyrzym memlekettik tabıǵı qoryǵynyń aýmaǵynda qurǵaq shóp órtendi. Órtengen aýmaqtyń kólemi ólshenip jatyr. Qazir tabıǵı apat oqshaýlandy. Zardap shekkender tirkelgen joq. Órttiń sebebi anyqtalýda», - dep habarlady TJD baspasóz qyzmeti. Qoryq dırektory tikushaqpen órt bolǵan jerdi aralap, 1000 gektarǵa jýyq alqaptyń órtengenin anyqtady.
Qazir órt ornynda 113 adam jumys istep jatyr, onyń ishinde jergilikti atqarýshy organdar, TJD jáne qoryq qyzmetkerleri bar.
