Naýyrzym qoryǵy taǵy da órtendi
QOSTANAI. QazAqparat - Naýyrzym memlekettik tabıǵı parki aýmaǵynda eki órt oqıǵasy tirkeldi, dep habarlaıdy QazAqparat oblystyq TJD baspasóz qyzmetine silteme jasap.
«9 shilde kúni saǵat 14:30-da Naýyrzym memlekettik tabıǵı qoryǵynyń Janaq alqaby órtendi. 2 gektar aýmaqtaǵy qurǵaq shóp janǵan. Órt sóndirý jumystaryna 11 arnaıy tehnıka, 31 órt sóndirýshi jumyldyryldy», - deıdi oblystyq TJD baspasóz hatshysy Ýálıhan Dosanov.
Dál osy kúni qoryq aýmaǵynda taǵy da órt boldy. Saǵat 20:30 shamasynda Qoja aýylynda 2,5 gektar alqapta qurǵaq shóp órtendi. Qutqarýshylar 20:45-te qyzyl jalyndy tolyǵymen sóndirip bitti.
Aıta keteıik, osy jyldyń sáýir aıynda Naýyrzym memlekettik tabıǵı qoryǵynda 500 gektar aýmaqtaǵy qýraǵan shóp janyp ketken-di.
