Naýyrzym aýdanynda bos turǵan ǵımarat túrǵyn úıge aınalmaq – Qostanaı oblysy
QOSTANAI.QazAqparat – Naýyrzym aýdanynda 18 páterli turǵyn úı paıdalanýǵa beriledi, dep habarlaıdy QazAqparat aýdan ákimdiginiń saıtyna silteme jasap
«Jumyspen qamtýdyń jol kartasy-2020» baǵdarlamasy Naýyrzym aýdanynda jemisti júzege asyp keledi. Bul týraly aýdan ákimi Talǵat Kárbozovtyń turǵyndarǵa esep berý jıynynda tolyǵyraq aıtyldy. Máselen, bıyl atalmysh baǵdarlama sheńberinde oblystyq bıýdjetten 107, 410 mln teńge somasynda qurylys – montaj jumystaryna qarjy bólindi. Maqsat – Qarameńdi aýylyndaǵy 18 páterli turǵyn úıdi qaıta jańartý. Osylaısha, aýdan basshylyǵy Abaı kóshesindegi bos turǵan ǵımaratta tıimdi maqsatqa paıdalanýǵa sheshim qabyldady. Jobalyq-smetalyq qujattama «Alıýmınstroı» JShS-men jasaldy. Munda barlyǵy 3 bólmeli 9 páter, 2 bólmeli 8 páter jáne 1 bólmeli 1 páter bolady.
Aýdan ákimi Talǵat Kárbozovtyń habarlaýynsha, joba aıasynda 30 adam jumysqa ornalasqan. Osy jáne basqa da ilkimdi jobalarmen taıaýda oblys basshysy Arhımed Muhambetov tanysqan edi.
«Oblys ákimi Arhımed Begejanuly jumys saparymen Naýyrzym aýdanyna keldi. Oblys basshysy is-sapary barysynda aýdanymyzda boı kóterip jatqan birqatar nysandardy aralap, jumys jaǵdaıymen tanysty. Aldymen oblystyq mańyzy bar «Dokýchaevka-Razdolnyı-Aralkól» avtomobıl jolynyń 23-34 shaqyrym ortasha jóndeý jumystarymen tanysty. Sondaı-aq «Aýyl-El besigi» jobasy aıasynda Qarameńdi aýylynda jylý qazandyǵynyń qurylysy bastaldy. Jańa jylý trassasyna ákimshilik jáne áleýmettik ǵımarattar, turǵyn úıler men bıznes nysandary qosylady», - dedi aýdan ákimi.
Sonymen, Abaı kóshesinde 18 páterli turǵyn úı 2020 jylǵy 1 qyrkúıekte paıdalanýǵa beriledi. Joba boıynsha turǵyn úıde syrtqy-ishki árleý jumystary júrgizilip, terezeler men esikteri, ishki jáne syrtqy ınjenerlik komýnıkatsııalary aýystyrylady. Aýdan basshysy aıtqandaı, bul jobany iske asyrý arqyly turǵyn úımen qamtamasyz etý máselesin sheshýge bolady. Tıisinshe, aýdanǵa jas mamandardy tartýǵa múmkindik beredi.
