Naýryzym qoryǵyndaǵy Qaramaıshy shatqalynda órt boldy
QOSTANAI. QazAqparat - Qostanaı oblysynyń Naýryzym qoryǵynyń aýmaǵynda qurǵaq shóp órtendi, dep habarlaıdy QazAqparat.
Qostanaı oblysy TJD baspasóz qyzmetiniń habarlaýynsha, órt 11 mamyrda Naýryzym aýdanynda Qaramaıshy shatqalynda bolǵan.
«Aldyn ala boljam boıynsha, 10 gektar aýmaqta qurǵaq shóp órtengen. Órttiń taralý qaýpi joq. Sóndirý jumystary jalǵasýda»,- delingen TJD baspasóz habarlamasynda.
Órtti sóndirýge oblystyń TJ departamentiniń jáne Naýyrzym qoryǵynyń qyzmetkerleri jumyldyryldy.
Taǵy bir iri tabıǵı órt Qarabalyq aýdany Esenkól aýylynda boldy. Mıhaılovka orman sharýashylyǵy mekemesiniń aýmaǵynda qurǵaq shóp órtendi. Órttiń naqty sebepteri anyqtalýda.
