Naýryzǵa oraı Astanada balalar úıiniń tárbıelenýshilerine merekelik baǵdarlama uıymdastyryldy

ASTANA. QazAqparat - Naýryz meıramyna oraı elorda ákimdigi «Jergilikti qamtýdy damytýdyń ulttyq agentttigi «NADLoC»» AQ-men jáne «Dúnıe» bastapqy partııalyq uıymymen birlesip, Aqkól qalasynda ornalasqan №1 balalar úıiniń tárbıelenýshileri úshin mereke uıymdastyrdy. 

Ár túrli jastaǵy 60 jýyq bala Astana qalasynyń kórikti jerlerinde bolyp, qala ákimdiginiń ókilderimen kezdesti, dep habarlaıdy astana.kz.

Baǵdarlamaǵa sáıkes, balalar QR Ulttyq mýzeıinde bolyp, biregeı eksponattarmen tanysty. Al merekelik túski astan keıin Astana qalasy ákimi apparatynyń basshysy Berikom Jakenovpen kezdesti. Sodan keıin balalar Fızıkalyq Elektro-Shoý Tesla jáne Fokýsnık-ıllıýzıonıst shoýlaryn tamashalady.

Munymen qosa, balalarǵa baǵaly syılyqtar tartý etildi. Sondaı-aq olar delfınarıýmda jáne Okeanarıýmda boldy.