Naýryzǵa qaraı Grekııa úkimetiniń aqshasy taýsylýy múmkin
ASTANA. QazAqparat - 25 aqpanǵa qaraı Grekııanyń aqshasy taýsylýy múmkin. Bul eger nesıe berýshiler qysqasha ýaqyttyq alys-beristi kótermese oryn alýy múmkin jaǵdaı. Bul týraly eldiń qarjylyq jaǵdaıymen tanys derek kózine silteme jasaǵan Bloomberg habarlaıdy.
Qazirgi kezde Grekııada resmı nesıe berýshilerdiń qysqa ýaqyttyq oblıgatsııalaryna ornatqan lımıti 15 mlrd. eýrony quraıdy, dep jazady RBK. Eger lımıt kóterilmese, úkimet 25 aqpanda qarajattyń jetispeýi jaǵdaıyna urynýy múmkin. Shyǵyndardy qysqartý jaǵdaıynda úkimet taǵy birneshe apta júre alady.
«Naýryz aıynyń sońyna qaraı ol (eldiń jańa premer-mınıstri Aleksıs Tsıpras) ekzıstentsıonaldyq tańdaý jasaı alady: ózi moıyndamaı otyrǵan talaptary bar qutqarý aýqymyn qabyldaý nemese eýro aımaǵynan shyǵý», - dep habarlady derekkóz.
Beısenbi kúni shekteýdi kóterý máselesi Grekııanyń Qarjy mınıstri ıAnıs Varýfakıs pen nemis qarjy mınıstri Volfgan Shoıbleniń kezdesýinde talqylanady. 4 aqpan kúni Eýropalyq ortalyq bank 11 aqpannan bastap Grekııanyń nesıege kepil retinde usynyp otyrǵan memlekettik oblıgatsııalaryn qabyldamaıtynyn málimdedi.
Qańtardyń sońynda Eýropalyq ortalyq banki eger Grekııa óziniń ekonomıkasyn qutqarý boıynsha baǵdarlamasynyń qyzmetin jalǵastyrmasa, retteýshi eldiń odan ári nesıelendirilýi toqtaıtyny týraly aıtty. EOB-nyń basqarýshy keńesiniń quramyna kiretin Fınlıandııa bankiniń basshysy Erkkı Lııkanen 2015 jylǵy aqpannyń sońyna qaraı Grekııanyń Eýropa jáne HVQ-men kelisilgen daǵdarysqa qarsy áreketter paketi qyzmetiniń merzimi aıaqtalatyny týraly málimdedi.
«Qandaı da bir sheshim tabylýy tıis, olaı bolmasa, biz nesıelendirýdi jalǵastyra almaımyz. Borysh qurylymyn qaıta qaraý jekemenshik ınvetorlarymen ótkizildi. EOB memleketti tikeleı qarjylandyra almaıdy, bul osy jaǵdaıǵa baılanysty», - dedi ol.
Eldiń qarjylyq problemalaryn eskergen Reseı qarjy mınıstri Anton Sılýanov Grekııaǵa Reseı tarapynan qarjylyq kómek kórsetý múmkindigin aıtty. «Biz kez kelgen jaǵdaıdyń bolýyn qarastyramyz, sondyqtan eger Reseı úkimetine osyndaı ótinim kelip tússe, biz ony mindetti túrde qarastyramyz, onymen birge Reseı men Grekııa arasyndaǵy ekijaqty qarym-qatynastardyń barlyq faktorlaryn eskeremiz», - dedi Sılýanov.
Óz kezeginde Grekııa Reseıden kómek suraýdan bas tartty. Eldiń premer-mınıstri Aleksıs Tsıpras ázirge bul jóninde kelissózder eýropalyq áriptestermen júrgizilip otyrǵanyn málimdedi. «Dál qazir basqa eshqandaı nusqalar qarastyrylyp otyrǵan joq», - dep túsindirdi Tsıpras.
