Naýryzdyń sońǵy kúnderi el aýmaǵynda 22 gradýsqa deıin aıaz bolady

ASTANA. QazAqparat - Respýblıkanyń basym bóligine belsendi fronttary bar ońtústik tsıklon áser etip, osyǵan baılanysty qolaısyz aýa raıy saqtalady, dep habarlaıdy QazAqparat Qazgıdrometke silteme jasap.

Respýblıkanyń kóp jerinde jańbyr, soltústikte jańbyr men qar túrindegi jaýyn-shashyn jaýady.

31 naýryz-1 sáýir aralyǵynda batysta qatty jaýyn jaýady, 30-31 naýryzda shyǵys pen ońtústikte, 30 naýryz-1 sáýirde respýblıkanyń ońtústik-shyǵysynda qatty jaýyn-shashyn túsip, jańbyr men qar túrindegi jaýyn-shashyn boljanyp otyr.

31 naýryzdan bastap soltústik-batys antıtsıklonynyń kelýimen respýblıkanyń soltústik jartysynda jaýyn-shashyn toqtap, basym bóliginde aýa temperatýrasy tómendeıdi.

Sınoptıkter boljamynsha, batysta aýanyń temperatýrasynyń túnde 2-7 gradýsqa deıin tómendep, kúndiz 7-15 gradýs jyly bolady.

Respýblıkanyń soltústiginde, soltústik-batysynda jáne ortalyǵynda temperatýra tómendeıdi - túnde 7-13 gradýs aıaz, kúndiz -2 gradýs +3 gradýs jyly bolady.

Shyǵysta aýanyń temperatýrasy túnde 10-22 gradýsqa deıin tómendese, kúndiz 5 gradýs aıazdan 3 gradýsqa deıin jyly bolady.

Ońtústik oblystarda túnde 0-5, kúndiz 3-13 gradýs jyly bolady.