Naýryzdyń 8-inde uıaly baılanys operatory arqyly shalynǵan qońyraýlar sany Jańa jyl túnindegiden asyp tústi
ALMATY. Naýryzdyń 10-y. QazAqparat /Erlik Erjanuly/ - Beeline abonentteriniń Halyqaralyq áıelder kúni shalǵan qońyraýlary Jańa jyl túnindegiden de asyp tústi,
dep habarlaıdy QazAqparat uıaly baılanys operatorynyń baspasóz qyzmetine silteme jasap.
«Bıylǵy jyldyń 8-shi naýryzynda bizdiń abonentterdiń belsendigi basqa merekelik kúnderimen salystyrǵanda edáýir joǵary boldy. Onda 14 mıllıonǵa jýyq habarlamalar jiberildi. Bul - kúndelikti ortasha kórsetkishterden 4 esege artyq. Al jasalǵan qońyraýlar sany - 48 mıllıondy qurady. Ol Jańa jyldyń alǵashqy túniniń daýystyq trafıginen 8 paıyzǵa artyq», deıdi Beeline-nyń Qoǵammen baılanys qyzmetiniń jetekshisi Pavel Rodın. Onyń aıtýynsha, ádette mańyzdylyǵy boıynsha Halyqaralyq áıelder kúni tek Jańa jyldy qarsy alý merekesinen ǵana tómen bolatyn. Bıyl bul jaǵdaı alǵash ret ózgerip otyr.
