Naýryzdyń 12-si kúngi aýa raıy boljamy
ASTANA. QazAqparat- Sınoptıkter naýryzdyń 12-si kúngi aýa raıy boljamyn usynady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn málimetterine qaraǵanda, Qazaqstannyń batys jáne soltústik-batys aýmaǵynda atmosferalyq frontaldy bólikterdiń ótýine baılanysty aýa raıy qubylyp turady.
Respýblıkanyń batysynda kóbine jańbyr jaýady, keı jerlerde tuman túsip, kóktaıǵaq bolyp, jel kúsheıedi, soltústikte burqasyn bolýy yqtımal.
Almaty oblysynda, túnde jáne tańerteń keı jerlerde tuman túsedi degen boljam bar. Jalańashkól aýdanynda jeldiń jyldamdyǵy sekýndyna 17-22 metr bolady.
Soltústik Qazaqstan oblysynyń keı jerlerinde tuman túsip, kóktaıǵaq, burqasyn bolýy yqtımal. Keı jerlerde jeldiń jyldamdyǵy sekýndyna 15-20 metrge jetedi.
Qostanaı oblysynda jel sekýndyna 17-22 metr jyldamdyqpen uıtqıdy. Keı jerlerinde tuman túsip, kóktaıǵaq bolady.
Aqmola, Batys Qazaqstan oblystarynyń birqatar aýmaqtarynda tuman túsip, kóktaıǵaq bolady, jel sekýndyna 15-20 metr jyldamdyqpen uıtqıdy.
Jambyl oblysynyń keı jerlerinde tuman bolyp, jel 15-20 m/s-ǵa deıin kúsheıedi.
