Naýryzdy merekeleýge baılanysty Astanadaǵy birqatar qoǵamdyq kólikterdiń qozǵalysy ózgeredi
ASTANA. 15 naýryz. QazAqparat - Naýryz merekesine baılanysty Astanadaǵy «Qazaq eli» monýmenti alańy boıymen júretin kólikterdiń qozǵalysy 19-22 naýryz aralyǵynda shekteletin bolady.
Astana ákimdiginiń málimetinshe, sol kúnderi № 4, 14, 21 qoǵamdyq kólikteriniń marshrýttary Obaǵan kóshesimen ótedi (Táýelsizdik saraıynyń artqy jaǵyndaǵy kóshe).
Budan bólek, 22 naýryz kúni Táýelsizdik dańǵyly, A. Baıtursynov, J. Nájimedenov kóshelerinde qozǵalys shekteledi.
Aıta keteıik, 22 naýryzda № 3, 4, 14, 21, 32, 35, 40 jáne 46 qoǵamdyq kólikteriniń baǵyttary ózgeredi.
№ 32, 35, 40 , 46 marshrýttary Saraıshyq - M-1 kópiri - B. Momyshuly dańǵylymen ótip, budan ári qaraı burynǵy kestemen júredi.
Al № 3, 4, 14 qoǵamdyq kólikteri Táýelsizdik dańǵyly - B. Momyshuly dańǵyly - Mırzoıan kóshesi aralyǵymen júrip, sońǵy aıaldama «Qaraótkelge» barady.
№ 21 marshrýty M-3 kópiri - Sh. Qaldaıaqov kóshesine deıin júrip, osy kóshede aınalyp, J.Nájimedenov kóshesine túsedi jáne budan keıin keri qaıtatyn bolady.
