Naýryzdaǵy merekeler azyq-túlik baǵasynyń kóterilýine áser etken joq

Naýryz aıynyń qorytyndylaryna kóz júgirtsek, azyq-túlik baǵasynyń kóterilýi beımaýsymdyq  kókónister men jemis-jıdekke qatysty bolyp otyr. Qııar aqpan aıynda 6,1 paıyzǵa, qyzanaq  - 3,3, oramjapyraq - 2,7, kartop - 2,1, sábiz 1,3 paıyzǵa qymbattaǵan.

Banan baǵasy 4,8 paıyzǵa, alma 2,4 paıyzǵa kóterilgen. Basqa kókónis ónimder aı kóleminde 1 paıyzǵa qymbattaǵan nemese baǵasy túsken (mysaly sarymsaq, apelsın).

Aıta ketken jón, QR Úkimetinde ótken otyrysta Premer-Mınıstr Baqytjan Saǵyntaev  ákimderge mereke kúnderi azyq-túlik baǵasynyń negizsiz qymbattaýyna jol bermeýdi tapsyrǵan bolatyn.

Aýyl sharýashylyǵynyń birinshi vıtse-mınıstri Arman Evnıev óńirlik turaqtandyrý qorlarynyń qyzmeti jáne naryqty ishki azyq-túlikpen qamtamasyz etý týraly baıandady. Aýyl sharýashylyǵy mınıstrliginiń málimetinshe, 2018 jyldyń qańtarynda turaqtandyrý qory  2,18 myń tonna azyq-túlik taýarlaryn satyp alǵan.  5,54 myń tonna azyq-túlik satylǵan.

Oblys ákimdikteriniń, Almaty jáne Astana qalalarynyń  málimetteri boıynsha, kóktemniń basynda turaqtandyrý qoryndaǵy azyq-túliktiń  naqty qoljetimdiligi 8,14 myń tonnany quraǵan. 14,26 myń tonna ónim jańartýǵa  jáne jaýapty saqtaýǵa jiberildi.

Turaqtandyrý qorymen satyp alynatyn negizgi ónimderdiń biri qant bolyp tabylady (qordaǵy jáne qoımalardaǵy qordyń jalpy qurylymynda jalpy kólemniń 35,4 paıyzǵa quraıdy). Bir aı boıy (aǵymdaǵy jyldyń aqpanynan naýryzyna deıin) qant 2,4 paıyzǵa qymbattady. Sondaı-aq, ashytqy baǵasy 1,5 paıyzǵa ósti.

Azyq-túlik ónimderiniń keıbirinde  aıtarlyqtaı ósý baıqalmady. Baǵanyń tómendeýi de baıqaldy. (mysaly, kúnbaǵys maıy 0,2 paıyzǵa tómendedi).

Et, balyq jáne sút ónimderi men qyshqyl sút ónimderiniń de aı saıynǵy qymbattaýy baıqaldy. Qaımaq baǵasy aqpanda 1,5 paıyzǵa, aıran - 1,4 paıyzǵa, irimshik - 1,1 paıyzǵa kóterildi.

Un jáne jarma ónimderi qymbattaǵan joq dep aıtýǵa bolady, al qaraqumyq bir aıdyń ishinde birden 3,3 paıyzǵa arzandaǵan. 


Foto: greenlife.com.p