Naýryzda Túrkistanǵa Vengrııadan 200 -deı qonaq keledi
ShYMKENT. QazAqparat - Túrkistandyqtar naýryz meıramy qarsańynda qonaqtardy kútýge daıyndalyp jatyr. Búgin jergilikti qarııalardyń basyn qosqan jıyn ótip, onda jaqsylar men jaısańdar Máńgilik meken tapqan jerde Quran baǵyshtaldy, dep habarlaıdy QazAqparat HAA tilshisi.
Bıyl Alty Alash Ulystyń uly kúnin otyz kún oıyn, qyryq toıymen rýhanı astanada toılaıdy dep kútilýde. Sondyqtan qala basshylary saltanatty sharalardy joǵary deńgeıde ótkizý úshin erekshe daıyndyq ústinde. Óıtkeni, bul jıyn - rýhanı astananyń dárejesin kóterip, turǵyndarynyń mádenıetin tanytatyn halyqaralyq basqosý bolmaq.
Aıta keteıik, naýryzda Túrkistanǵa túrki memleketteri men elimizdiń túkpir-túkpirinen bas-aıaǵy 900-deı qonaq keledi dep josparlanǵan. Onyń 19-y Ázerbaıjannan, 11-i Túrkimenııa men taǵy 200 shaqtysy Vengrııadan keledi. Qazir mártebeli meımandardy ornalastyratyn qonaq úıler de daıyn.Sondaı-aq osy aıdyń 16 - 29 aralyǵynda ótetin sharada 32 kıiz úı tigilmek. Ortalyq alańnan 60 jylqy men 20 shaqty túıe kerýeni júrip ótedi. Bul óz kezeginde qazaqy dástúrimiz ben ulttyq qundylyǵymyzdy dáripteýge de oń yqpalyn tıgizeri anyq. Qonaqtar úshin Túrkistan týraly tanymdyq kitap ta shyǵarylyp jatyr. Igi isterdiń bir parasymen tanysqan aqsaqaldar shara uıymdastyrýshylaryna aq batasyn berdi. Halyqaralyq jıynnyń joǵary deńgeıde ótýine tilektestik bildirdi.
