Naýryzda pisiriletin Uıqyashar - jarasym dámi

Naýryz merekesi jigittiń kókireginde búr jarǵan uly sezimin súıgenine aıtýǵa dem beredi. Osylaısha, Naýryz eki jastyń jarasýyna jol ashqan. Salt-dástúri ómirlik zańyna aınalǵan ata-jurtymyz qyz ben jigittiń qosylýyn merekege ulastyra bilgen. Soǵan arnap «Seltetkizer» atty ádemi dástúrdi ómirge alyp keldi, dep jazady «Alash aınasy« basylymy.

Dástúr boıynsha mereke kúni jigitter názik jandylarǵa aına, taraq, saqına, syrǵa sekildi buıymdardy tartý etedi. Odan ári qaraı merekeniń jalǵasy retinde boıjetkender uıqyashar uıymdastyryp, názik jandylar kóńili qalaǵan boz­balalarǵa dámdi etip as pisirip beredi. Pisirilgen dámniń aty «Uıqyashar» dep atalady. Uıqyashar qyz-jigitterdiń bir-birine degen sezimi men mahabbatyn arttyra túsýge dáneker bolǵan. Osylaısha, jigitter seltetkizer syılyq syılasa, sylqym sulýdan dámdi taǵam tartylatyn. Atalmysh dástúr - eki jastyń júrek ja­rastyǵynyń bastamasy ispetti.

Uıqy­ashar - et, tátti ýyz sııaqty dámdi taǵamdar. Ádette uıqyashardy soǵymnyń sońǵy etin ýyzǵa salyp daıyndaǵan nemese ulttyq taǵamdardyń basqa da túrlerin usynǵan. Jylqynyń maıy men quıryq-baýyryn ara­lastyryp ta uıqyashar usynǵandar bolypty. Tipti bulaqtyń taza sýyn da bergen desedi. Uıqyashar retinde, sondaı-aq zerege boza, qymyz quıyp ákelgen eken.