Naýryzda ónerkásiptik jáne saýda kásiporyndarynyń iskerlik belsendiligi ulǵaıdy

dep habarlaıdy QazAqparat QR Statıstıka agenttigine silteme jasap.

«Ónerkásiptik kásiporyndardyń basshylary 2010 jyldyń naýryzynda onyń aldyndaǵy aımen salystyrǵanda daıyn ónimge suranystyń ulǵaıǵanyn jáne daıyn ónimderdiń qorynyń tómendegenin atap ótti, bul óz kezeginde olardyń iskerlik belsendiliginiń ulǵaıǵandyǵyna yqpal etti. Máselen, ónerkásiptik kásiporyndardyń belsendiligin sıpattaıtyn kásipkerlik senimdilik ındeksi 2010 jyldyń naýryz aıynda onyń aldyndaǵy aımen salystyrǵanda 4 paıyzdyq pýnktke ulǵaıyp, (+4) paıyzdy qurady», delingen Statıstıka agenttiginiń habarlamasynda.

Agenttiktiń málimetinshe, kásiporyndardyń basshylarynyń baǵalaýy boıynsha, jaqyn bolashaqta 2010 jylǵy maýsymnyń 10-na deıin iskerlik belsendiliktiń ulǵaıýy kútilýde. Aıtalyq, kásipkerlik senimdilik ındeksi 2010 jyldyń naýryz aıymen salystyrǵanda 2 paıyzdyq pýnkte ulǵaıyp, (+6) paıyzdy quraıdy.

«2010 jyldyń naýryzynda onyń aldyndaǵy aımen salystyrǵanda saýda kásiporyndarynyń iskerlik belsendiligi aıtarlyqtaı ózergen joq. Máselen, saýda kásiporyndarynyń iskerlik belsendiligin sıpattaıtyn kásipkerlik senimdiliginiń ındesi 2010 jylǵy naýryz aıynda onyń aldyndaǵy aımen salystyrǵanda 1 paıyzdyq pýnkte ulǵaıyp, (+11) paıyzdy qurady», delingen Agenttiktiń málimetinde.