Naýryzda munaı baǵasynyń qubylmalylyǵy aıtarlyqtaı kúsheıdi - Álııa Moldabekova
«Naýryzda munaı baǵasynyń qubylmalylyǵy aıtarlyqtaı kúsheıdi. Eger aldyńǵy tórt aı ishinde Brent baǵasy ósip, ótken jyldyń qazanynan bastap jalpy alǵanda 77% qosylsa, naýryzda túzelip, baǵalar bir barrel úshin 63,54 AQSh dollaryna deıin 3,9%-ǵa tómendedi», - deıdi Ulttyq Bank Tóraǵasynyń orynbasary Álııa Moldabekova.
Onyń aıtýynsha, naýryzdyń basynda Saýd Arabııasy tarapynan óndirýdi erikti túrde kúnine 1 mln barrelge qysqartýdy bir mezgilde uzarta otyryp, sáýirde óndirý kóleminiń deńgeıin saqtaý jónindegi OPEK+ sheshimine baılanysty oń sentıment jalǵasty.
«Sonymen qatar, AQSh ekonomıkasyn qoldaý sharalarynyń toptamasyn maquldaý, benzın qorynyń tómendeýinen kórinetin AQSh-taǵy munaı ónimderine suranystyń ósý belgileri naýryzdyń ortasyna deıin munaı baǵasyn eń joǵary deńgeıde ustap turdy. AQSh-taǵy munaı qorynyń ósýi týraly jańalyqtar vaktsına egý baǵdarlamalarynyń baıaýlaýymen jáne Eýropada qosymsha karantındik shekteýlerdiń engizilýimen birge aıdyń ekinshi jartysynda munaı baǵasynyń naýryz boıy ósýin tómendetýge májbúrledi», - deıdi ol.
Máselen, keıbir Eýropa elderi yqtımal janama áserlerge qatysty qaýiptenýge baılanysty AstraZeneca vaktsınasyn qoldanýdy toqtatty, al Germanııa 18 sáýirge deıin shekteý sharalaryn uzartatyny týraly habarlady.
«Álemdik óńdelmegen munaı saýdasynyń onnan bir bóligi ótetin Sýets kanalynyń buǵattalýy munaı jetkizýdiń toqtap qalýyna ákelip, baǵa belgileýge ýaqytsha qoldaý kórsetti. Alaıda, oqıǵa qysqa merzimdi sıpatta bolyp, jalpy teris serpindi ózgertpedi. Qazirgi jaǵdaı ekiushty bolyp qalýda», - deıdi Álııa Moldabekova.
