Naýryzda Qazaqstandaǵy bir qyzmetkerdiń ortasha aılyq ataýly jalaqysy 72 myń 251 teńgeni qurady
ASTANA. Mamyrdyń 13-i. QazAqparat /Ernur Aqanbaı/ -2010 jylǵy naýryzda Qazaqstandaǵy bir qyzmetkerdiń ortasha aılyq ataýly jalaqysy 72 myń 251 teńgeni qurady jáne ótken jylǵy tıisti aımen salystyrǵanda 9,5 paıyzǵa, naqty kóriniste - 2,2 paızyǵa ósti.
Bul týraly QR Statıstıka agenttiginiń búgingi taratqan habarlamasynda aıtylǵan.
Salalyq qurylymda jalaqynyń eń joǵary mólsheri burynǵydaı qarjy jáne saqtandyrý qyzmetinde saqtalýda, onyń mólsheri- 157,0 myń teńge. Bul ortasha respýblıkalyq deńgeıden 2,2 esege asady.
Ózge qyzmetter túrlerin usyný salasyndaǵy jalaqynyń mólsheri - 142,3 myń teńge, kásibı, ǵylymı jáne tehnıkalyq qyzmet salasynda jumy isteıtinderdiń jalaqysy - 132,4 myń teńge. Eń tómengi jalaqy aýyl, orman jáne balyq sharýashylyǵyndaǵy qyzmetkerlerde saqtalýda, onyń mólsheri - 29,3 myń teńge, bul el boıynsha kórsetkishten orta eseppen 59,4 paıyzǵa az.
Óńirler bóliniste eń joǵary jalaqy Atyraý oblysynda - 141,2 myń teńge, bul ortasha respýblıkalyq kórsetkishten 1,9 esege kóp. Jambyl oblysynda jalaqynyń mólsheri 45,2 myń teńgeni qurap otyr, bul el boıynsha ortasha deńgeıden 37,4 paıyzǵa tómen.
