Naýryzda Qazaqstanda jumyspen qamtylǵandardyń sany 8,1 mln. adamdy qurady - Statıstıka
Bul týraly QR Statıstıka agenttiginen habarlady.
Agenttiktiń usynǵan málimetterine sáıkes, ótken naýryz aıynda jumyspen qamtylǵandardyń sany 2010 jyldyń naýryzyna qaraǵanda 0,1 paıyzǵa nemese 4,8 myń adamǵa kóp.
Aǵymdaǵy jyldyń naýryzynda jaldamaly qyzmetkerlerdiń sany jumyspen qamtylǵandardyń jalpy sanynyń 67,2 paıyzyn, naqty aıtqanda 5,5 mln. adamdy qurady. Jumyssyzdar sany baǵalaý boıynsha, 472,6 myń adamdy, jumyssyzdyq deńgeıi 5,5 paıyzdy qurady. Naýryz aıynyń sońyndaǵy jaǵdaı boıynsha, QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 53,7 myń adam jumyssyz retinde resmı tirkeldi. Olardyń úlesi ekonomıkalyq turǵydan belsendi halyqtyń 0,6 paıyzyn qurap otyr (2010 jylǵy naýryzda - 0,9 paıyz).
Sondaı-aq Agenttikten habarlaǵandaı, atalmysh kezeńde jasyryn jumyssyzdyq deńgeıi baǵalaý boıynsha ekonomıkalyq turǵydan belsendi halyqtyń 0,5 paıyzyn qurady.
Aıta keteıik, jasyryn jumyssyzdyq (lajsyzdan tolyq emes jumyspen qamtylý) - qysqartylǵan jumys aptasy nemese tolyq emes jumys kúni rejıminde jumys isteıtin qyzmetkerlerdiń, sondaı-aq jalaqysy saqtalmaıtyn nemese eńbekaqysy jartylaı tólengen ákimshilik demalystarda bolǵan qyzmetkerlerdiń sanyn kórsetedi.
Jasyryn jumyssyzdyq deńgeıi - tolyq emes (jartylaı) jumyspen qamtylǵan jáne lajsyzdan demalysta bolǵan qyzmetkerlerdiń ekonomıkalyq turǵydan belsendi halyqtyń sanyndaǵy paıyzben ólshenetin úlesi.
