Naýryzda Qarjy mınıstrliginiń aınalystaǵy baǵaly qaǵazdarynyń kólemi 3034,0 mlrd. teńgeni qurady

Bul týraly búgin Almatyda QR Ulttyq bankiniń tóraǵasy Grıgorıı Marchenko málim etti.

Bas bankırdiń aıtýynsha, kóktemniń alǵashqy aıynda Qarjy mınıstrliginiń memlekettik baǵaly qaǵazdaryn ornalastyrý boıynsha 5 aýktsıon ótkizildi. Onda 12 aılyq MEKKAM (1,6 mlrd. teńge), 3 jyldyq MEOKAM (6,7 mlrd. teńge), 5 jyldyq MEOKAM (13,4 mlrd. teńge), 7 jyldyq MEÝKAM (13 mlrd. teńge) jáne 10 jyldyq MEÝKAM (10,3 mlrd. teńge) ornalastyryldy. Tıimdi kiristilik: on eki aılyq MEKKAM boıynsha - 2,90 paıyz, úsh jyldyq MEOKAM boıynsha - 3,16 paıyz, bes jyldyq MEOKAM boıynsha - 4,01 paıyz, jeti jyldyq MEÝKAM boıynsha - 6 paıyz, on jyldyq MEÝKAM boıynsha - 5,21 paıyzdy qurady.

Naýryzda sondaı-aq, Ulttyq banktiń nottary emıssııasynyń kólemi aqpanmen salystyrǵanda 3 esedeı qysqaryp, 6,2 mlrd. teńge boldy. Onda 3 aılyq nottardy ornalastyrý boıynsha 4,1 mlrd. jáne 2,1 mlrd. teńgeniń 2 aýktsıony ótti. Ornalastyrylǵan nottar boıynsha tıimdi kiristilik 1,03 jáne 1,05 paıyzdy qurady. Al aınalystaǵy nottardyń kólemi aqpanmen salystyrǵanda 18,4 paıyzǵa azaıyp, 101,9 mlrd. teńge boldy.