Naýryzda enpf-otbasy.kz platformasynda ótinishter sany 9 esege artty
NUR-SULTAN. QazAqparat - Enpf-otbasy.kz platformasy 732 myńnan astam qazaqstandyqqa turǵyn úı jaǵdaıyn jaqsartýǵa jáne emdelýge qajet resýrstardy alýǵa kómektesti, dep habarlaıdy QazAqparat tilshisi.
«Otbasy banki» málimetinshe, ortasha eseppen alǵanda, 2021 jyly platformaǵa aı saıyn 100 myńǵa deıin ótinim kelip tústi. 1-30 naýryz aralyǵynda enpf-otbasy.kz platformasynda klıentterden túsken ótinimder sany 2022 jyldyń eń joǵarǵy deńgeıi - 870 myńǵa jetti. Onyń ishinde:
1. Aıaqtalǵan ótinimder - bul maquldanǵan ótinimder, onda qarajat nysanaly maqsaty boıynsha jiberildi - 352 myń.
2. BJZQ klıent qarajatynyń jetkiliksiz bolýyna baılanysty keri qaıtarǵan ótinishter sany - 146 myń.
3. Klıent nysanaly maqsatyn rastaıtyn qujattardy bekitedi dep kútiletin ótinimder - 106 myń.
4. Salynǵan qujattardy tekserýge ótinim - 73 myń.
5. Klıenttiń ózi joıǵan ótinimder - 52 myń.
6. Klıentter qol qoımaǵan, aıaqtalmaǵan ótinimder – 35 myń.
7. Pysyqtaýǵa jiberilgen ótinimder - 34 myń.
8. BJZQ-nan arnaıy shotqa qarajat túsýin kútýdegi ótinimder - 33 myń.
9. Tolyqtyrý úshin Otbasy bankiniń salymyn tańdaý qajet ótinimder – 20 myń
10. BJZQ-na qaıtarylǵan qarajat boıynsha ótinimder - 19 myń.
Kelip túsken barlyq ótinimder, sondaı-aq maqsatty rastaıtyn qujattar salynǵan ótinimder kezek tártibimen pysyqtalady.
