Naýryzda 66,7 myń adam jumysqa qabyldanyp, túrli sebeptermen 56,4 myń adam jumystan ketti

ASTANA. 13 sáýir. QazAqparat - Naýryzda 66,7 myń adam jumysqa qabyldanyp, túrli sebeptermen 56,4 myń adam jumystan ketti,

dep habarlady QR Statıstıka agenttiginiń baspasóz qyzmetinen.

«Jedel derekterge sáıkes, iri jáne orta kásiporyndarǵa, uıymdarǵa 2011 jylǵy naýryzda 66,7 myń adam qabyldandy, túrli sebeptermen - 56,4 myń adam jumystan ketti. Jumystan ketken qyzmetkerlerdiń arasynda óz erki boıynsha jumystan bosatylǵandar 82,6, qyzmetkerler sanynyń qysqarýyna baılanysty - 3,0, basqa sebepter boıynsha - 14,4 paıyzdy quraıdy», - delingen vedomstvo aqparatynda.

Aǵymdaǵy jylǵy naýryz aıynda qabyldaý boıynsha aınalym koeffıtsıenti 2,2, jumystan bosatý boıynsha aınalym - 1,9, jumys kúshiniń turaqsyzdyq koeffıtsıenti - 1,6 paıyzdy, al osy kezeńdegi jumys kúshin aýystyrý koeffıtsıenti 118,3 paıyzdy qurady.