Naýryzda 25 myń tonna reseılik munaı Qazaqstan arqyly Ózbekstanǵa jetkiziledi

ASTANA. QazAqparat -«QazTransOıl» AQ naýryz aıynda 25 myń tonna reseılik munaıdy Ózbekstanǵa tasymaldaýdy josparlap otyr, dep habarlaıdy QazAqparat.

Kompanııa baspasóz qyzmetiniń málimetine sensek, Energetıka mınıstrligi bekitken munaı jetkizý kestesi bar.

Oǵan sáıkes naýryz aıynda «QazTransOıl» AQ 25 myń tonna reseılik munaıdy Qazaqstan aýmaǵy arqyly Ózbekstan Respýblıkasyna jetkizedi.

Munaı «Omby - Pavlodar - Shymkent - Shaǵyr munaı quıý tiregi» (temir jol tsısternalaryna tıeý) arqyly tasymaldanady.

2023 jyly «QazTransOıl» AQ magıstraldy munaı qubyrlary júıesi arqyly Ózbekstanǵa reseılik munaı tranzıtiniń jalpy josparly kólemi - 250 myń tonna.