Naýryzda 14 kún demalys: Mamandar qazaqstandyq týrısterge qandaı keńes beredi
ASTANA. QazAqparat - Qazaqstandyqtar bıyl 120 kún demalady. Sol 120 kúnniń 14 kúni - naýryzǵa, 10 kúni - mamyrǵa dóp kelip tur. Osy rette demalysta azyraq aqsha jumsaý úshin, ıaǵnı arzan baǵada demalý úshin qazaqstandyqtarǵa qandaı amal qarastyrǵan jón? Bul oraıda «Týrıstik Qamqor» korporatıvti qory birshama paıdaly keńes berip otyr, dep habarlaıdy QazAqparat tilshisi.
Korporatıvtik qor mamandarynyń boljaýynsha, naýryzda qazaqstandyqtar jıi demalatyn eń tanymal elder - BAÁ, Taıland, Mysyr, Úndistan, Shrı Lanka, Indonezııa, Malaızııa, Vetnam, Iordanııa, Haınan, Domınıkan, Kanar araldary, Kýba bolýy múmkin.
«Demalys úshin aldyn ala brondaý qyzmetin paıdalanǵan jón. Biraq ádette aldyn ala brondaý keminde úsh aptadan 3-6 aıǵa deıingi merzimdi qamtıdy. Sol sebepti sáýir-mamyrdaǵy yńǵaıly demalysyńyzdy búginnen oılastyrǵanyńyz jón. Mysaly, túrik, mysyr, taı jáne BAÁ baǵyttaryndaǵy týrlardy aldyn ala brondaǵan kezde (3-6 aı aralyǵy «erte» bolyp esepteledi) Sizge 30-50 paıyzǵa deıin jeńildikter usynady. 60 paıyzǵa deıin jeńildik jasaýǵa daıyn jomart qonaq úıler de bar», - dep keńes beredi korporatıvti qor.
Jalpy, týrlardy aldyn ala brondaý degen jalpy ne? Mamandardyń aıtýynsha, arzan týrdy satyp alý úshin mindetti túrde sońyna deıin sozý jáne ýaqytsha jeńildikpen tez arada satylatyn joldamalarǵa jarmasý mindetti emes ekendigin qazaqstandyqtar áli tolyq túsine qoıǵan joq.
«Kóptegen otandastar úshin shetelde demalý - uzaq ýaqyt josparlanatyn, barlyq usaq-túıek eskeriletin jáne oılastyrylatyn ómirindegi eń mańyzdy oqıǵa sekildi kórinedi. Aldyn ala brondaý senimdilikti, jaılylyqty baǵalaıtyn otandastarymyz úshin yńǵaıly. Shynynda brondaý jyl basynda bastalyp, sáýir aıyna deıin jalǵasady. Al keı jaǵdaılarda odan da kesh bolýy múmkin. Osyǵan uqsas qyzmet «ystyq» maýsym bastalǵanǵa deıin aldyn ala qonaq úıdi tańdaýǵa ǵana emes, sonymen qatar, týroperatordan qomaqty jeńildik alýǵa da múmkindik beretini ras», - deıdi mamandar.
Saıahatty jaqsy kóretinderge 2019 jyly Qazaqstan birqatar jańa avıaqatynas ashatynyn da aıta ketý kerek. ıAǵnı, otandastarymyz úshin jańa múmkindikter men baǵyttar ashylmaq. Jańa avıaqatynastar tikeleı bolady, ıaǵnı ushaqtan ushaqqa aýysyp minip júrmeısiz.
«Praga, Ulan-Batyr men Tokıo. Birinshi eki baǵytta «Skat» qyzmet kórsetetin bolady. «Skat» avıaparki eki jańa Boıngpen tolyqtyrylady. Ulan-Batyrǵa alǵashqy reıs 2 maýsymda jasalady. Monǵolııaǵa bılet satylymy ashyq. Álemniń eń sýyq astanasy Ulan-Batyrdaǵy týrısterdiń negizgi ermegi - bı men halyq áni, Opera jáne balet teatrlary. Áıgili Shyńǵyshannyń ómir súrgen jáne qyzmet etken jerleri, Monǵolııanyń negizin qalaýshy qolbasshy týǵan Dýlýn-Boldog aýyly boıynsha ekskýrsııalar asa tanymal», - delingen habarlamada.
Sondaı-aq, «Skat» jazda Batýmı, Krasnodar, Sochıge avıareısterdi qaıta jandandyrady. Osy qalalarǵa arnalǵan tikeleı reıster Astanadan júzege asyrylady. Sondaı-aq, Erevan men Mıneraldy sýlarǵa avıa reıster eskerilgen. Óz kezeginde ázirbaıjandyq avıajeliler Baký-Almaty-Baký baǵyty boıynsha jańa avıaqatynastardy ashýǵa nıet bildirip otyr. Birinshi reıs 2 sáýirde jasalmaq. Ázirbaıjandyq tasymaldaýshy Airbus A319 yńǵaıly ushaqtarymen aptasyna eki ret (seısenbi men senbi) Almatyǵa ushýdy josparlap otyr.
