NaýryzChallenge: Qostanaılyq jastar ardagerlerge qolǵabys etýde
«Nur Otan» partııasynyń «Baqytty otbasy» jobasy aıasynda #NaýryzChallenge qaıyrylymdylyq aktsııasy bastalǵan bolatyn. Mundaǵy maqsat - jaqsylyq jasaýǵa úndep, ózgerelerdi meıirilimdilik tanytýǵa shaqyrý. Igi isterge shaqyratyn bastama sheńberinde el kóleminde túrli sharalar júzege asyp, kópshilikke úlgi bolýda.
Atalmysh aktsııa aıasynda Taran aýdanynda kómekke muqtaj otbasyǵa jergilikti kásipker úıdiń kiltin tapsyrǵan edi.
Jaqsylyqqa toly sharany qostanaılyq bir top jas ilip áketti. Jastar aktsııa aıasynda soǵys ardageri Fagıma Saıbatalovanyń úıine bardy. Kópti kórgen keıýananyń jasy búginde 94-te. Júrip-turýy qıyndaý. Sol sebepti jastar úı aýlasyn qardan tazartyp berdi. Al qalalyq máslıhat depýtaty Alekseı Efremov azyq-túlik qorjynyn syıǵa tartty.
Sondaı-aq, Qarabalyq aýdanynda da #NaýryzChallenge aktsııasy sheńberinde eriktiler ekinshi dúnıejúzilik soǵys ardageri Mıhaıl Lopatkonyń úıinde boldy. Agrotehnıkalyq kolledjiniń stýdenteri qart maıdangerdiń úıin qardan tazartty.
Jalpy alǵanda, #NaýryzChallenge qaıyrymdylyq naýqany keń kólemde qostanaılyqtar tarapynan qoldaý tapty. «Nur Otan» partııasynyń ókilderi osyndaı ıgi bastamaǵa qoldaý tanytatyndardyń qatary artsa deıdi. Aktsııaǵa qatysý ońaı. Áleýmettik jelilelerde otyratyn azamattar #NaýryzChallenge heshtegimen sýretter men beınematerıal júktese bolǵany. Al kómekke muqtaj azamattardyń tizimin «Nur Otan» partııasynyń qoǵamdyq qabyldaý bóliminen alýǵa bolady.
