Naýryz - jańarý men izgiliktiń, yntymaq pen berekeniń jarshysy - Á.Jaqsybekov
ASTANA. QazAqparat - Astana qalasynyń ákimi Ádilbek Jaqsybekov elorda turǵyndary men qonaqtaryn naýryz merekesimen quttyqtady, dep habarlady elorda ákiminiń resmı portaly.
«Sizderdi Ulystyń uly kúni - Naýryz merekesimen shyn júrekten quttyqtaımyn!
Halqymyz aıryqsha kóńil bólip, qurmet tutqan bul meıram qashan da jańarý men izgiliktiń, yntymaq pen berekeniń jarshysy bolǵan. Kóktemniń osynaý jaımashýaq kúninde adamdardyń ózgege ókpe-renishterin umytyp, tatýlyqtyń shamyn jaǵýy qalypty dástúrge aınalǵan. Mereke qarsańynda sizderge zor densaýlyq, qajymas qaırat, sarqylmas baqyt, shańyraqtaryńyzǵa yntymaq pen bereke tileımin.
Ulys oń bolsyn, aq mol bolsyn. Mereke qýanysh pen jaqsylyǵyn ala kelsin!»
Astana qalasynyń ákimi Á. Jaqsybekov
