Naýryz jaqsy ister men izgi bastamalardyń bastaýy bolǵaı - depýtat Orazkúl Asanǵazy

ASTANA. QazAqparat - Parlament Májilisiniń depýtaty Orazkúl Asanǵazy «Nur Otan» partııasynyń saıty arqyly barsha otandastardy, qazaqstandyqtardy Ulystyń uly kúnimen quttyqtady.

«Baıyrǵy da baıandy uly Otanymyzǵa kóktem bolyp kelgen Naýryz meıramy qutty da berekeli bolsyn! Osynaý Ulystyń uly kúninde ár shańyraqqa amandyq, urpaqqa esendik tileı kele, egemendigimiz máńgilik, murattarymyz jasampaz, eńbekterimiz eseli bolsyn degim keledi. San ǵasyrlyq tarıhy bar Naýryz meıramynyń boıyndaǵy meıirim men izgilik árbir júrekke baýyrmaldyq, qaıyrymdylyq, keshirimdilik shýaǵyn tóksin! Naǵyz jyl basy - Naýryz meıramy jaqsy isterdiń, izgi bastamalardyń da bastaýy bolǵaı!», - dedi Oralkúl Asanǵazy.

«Kún men tún teńelgen tabıǵattyń ǵajaıyp úılesimi árbir otbasynyń, árbir ujymnyń jarasymyna ulasyp, elimizdegi yntymaq pen tatýlyqtyń aspany ashyq, bolashaǵy jarqyn bolsyn degen tilegimdi jetkizgim keledi», - dep bildirdi izgi tilegin depýtat.