Naýryz ult pen ulysty uıystyryp, eldiń maqsat-muratyn aıqyndaıtyn mereke - Kım Serikbaev
ALMATY. 21 naýryz. QazAqparat - Naýryz eldiktiń jarqyn úlgisin kórsetetin uly mereke. QR Eńbek sińirgen qaıratkeri, áskerı ǵylymdar doktory, professor Kım Serikbaev búgin Almatyda toılanyp jatqan Naýryz merekesi kezinde osylaı aıtty.
«Naýryz jasampazdyqtyń úlgi-ónegesi. Jyl jańaryp jatqanda ata-babalarymyz jańa kúnnen jaqsylyq kútip, bir-birimen úmit-armanyn bólisken. Qystan qymtyrylyp shyqqan aǵaıyn bir-birimen qaýyshyp, aýzymyz aqqa tıetin kúnge jetti dep qýanǵan. Árkim tapqan-taıanǵanyn bir qazanǵa salyp, jınalyp bir-birine izgi tilegin aıtyp, mal-jan aman bolyp, aq mol bolsyn dep nıet etken», - deıdi K.Serikbaev. Almaty qalasynyń Medeý aýdanyndaǵy Ardagerler keńesi tóraǵasynyń aıtýynsha, Naýryz - tarıhty jańǵyrtyp, ult pen ulysty uıystyryp, eldiń maqsat-múddesin aıqyndaıdy. Sondyqtan aqsaqaldar bul istiń basy-qasynda júrip, elge úlgi-ónege kórsetýi tıis. Jastardyń aqylshysy bolyp, jón- joralǵy kórsetip, jalpyhalyqtyq merekeniń tálim-tárbıelik mánine erekshe kóńil bólýi kerek.
