Naýryz toıy syndy mereıli shaqta men Qazaqstanda, sizdermen birge bolǵanyma qýanyshtymyn - Mark Dakaskos
ASTANA. 24 naýryz. QazAqparat /Jasulan Amanbaıuly/ - Dál osy mereıli shaqta men osy elde, sizdermen birge bolǵanyma qýanyshtymyn. Naýryz meıramy tusynda Astana qalasyna kelgen Gollıvýd akteri Mark Dakaskos qazaqstandyqtardy merekelerimen quttyqtady.
«Men shyǵys elderinde jańa jyl bastaýyn bildiretin Naýryz meıramyn tuńǵysh ret toılap otyrmyn. Naýryz toıy syndy mereıli shaqta men Qazaqstanda, sizdermen birge bolǵanyma qýanyshtymyn. Men sizderdiń meıirimderińizdi, mahabbattaryńyzdy sezinemin, ásirese meıram ýaqytynda osynda kelgenime, qazir jergilikti balalardyń ortasynda júrgenime rızamyn»,-dedi álemge tanymal akter.
22 naýryz kúni M. Dakaskos merekelik kontsertte bolyp, qazaqtyń Naýryz meıramynda jasalatyn salt-joralardy, dástúrlerdi kórip tamashalaǵan.
«Maǵan bul qoıylym qatty unady jáne men osynda qazaqstandyqtarmen birge júrgenimniń ózi úlken baqyt dep sanaımyn. Osy elge kelgen saıyn qazaq halqynyń aq peıildiligine, jarqyn júzdiligine, súıispenshil jáne ashyq minezdiligine qanyǵyp qaıtam»,-deıdi M. Dakaskos aǵynan jarylyp.
«Jergilikti halyqqa ýaqytty jaqsy ótkizý úshin demalys kúnderi qajet te emes sekildi. Sebebi olar jany jaısań, kóńili sergek adamdar»,-deıdi ol.
Mark Dakaskos tanymal Gollıvýd akteri, ol 1964 jyly Gavaı aralynda dúnıege kelgen. Ol «Kóshpendiler» kınosynda basty rólderdiń birin somdady. Qazirgi ýaqytta M. Dakaskos qazaqstandyq «Tanarıs» kınostýdııasymen birlesip, romantıkalyq komedııa janrynda fılm túsirýge kiristi.
