Naýryz meıramynda respýblıkamyzdyń keı jerlerinde qarly jańbyr jaýyp, boran soǵady
ASTANA. QazAqparat - «Qazgıdromet» RMK 19-23 naýryz kúnderine arnalǵan aýa raıy boljamyn usynady.
«Batys Sibirdiń ústinde turǵan, keńinen jaıylǵan tsıklon jáne sonymen baılanysty atmosferalyq fronttardyń áseri Qazaqstannyń kóp bóligindegi aýa raıyna áser etýin jalǵastyrýda. Sondyqtan aldaǵy demalys jáne mereke kúnderi respýblıkamyzdyń keı jerlerinde jaýyn-shashan, qarly jańbyr jaýady. Jeldiń kúsheıýi 15-25 m/s jetedi, tuman men kóktaıǵaq, soltústik oblystarda boran kútiledi. Temperatýra klımattyq normadan 2-5º, ońtústik jáne shyǵysta 5-13º joǵary bolýy saqtalady», - dep jazylǵan habaarlamada.
