Naýryz meıramynda qarttar jáne balalar úıinde tegin kontsertter uıymdastyrylady

NUR-SULTAN. QazAqparat – Ulystyń uly kúninde elimiz boıynsha qarttar jáne balalar úıinde tegin merekelik is-sharalar uıymdastyrylady. Bul týraly QR Mádenıet jáne sport vıtse-mınıstri Nurǵısa Dáýeshov málim etti, dep habarlaıdy QazAqparat tilshisi.

«Jalpyulttyq aýqymdaǵy negizgi is-sharalar 21 naýryzda Memleket basshysynyń Qazaqstan halqyn quttyqtaýynan bastaý alady. 23 naýryzda búkil el boıynsha «Qaıyrymdy ult» aýqymdy qaıyrymdylyq aktsııasy uıymdastyrylady. Oonyń aıasynda balalar úıiniń tárbıelenýshileri, múmkindigi shekteýli balalar men qarttar úshin kóshpeli kontsertterdi ótkizý qarastyrylýda. Aktsııaǵa eriktiler, mádenıet ókilderi men metsenattar tartylýda», - dedi Nurǵısa Dáýeshov OKQ-de ótken baspasóz máslıhatynda.

Buǵan deıin habarlaǵanymyzdaı Qazaqstanda Naýryz meıramyn toılaýdyń jańa tujyrymdamasy ázirlendi.

Sondaı-aq, ulttyq «Asar» dástúriniń qaıta jańǵyratyny aıtyldy.

Odan bólek, el aýmaǵyn kógaldandyrý maqsatynda ár otbasy bir aǵash otyrǵyzý aktsııasyn ótkizý ıdeıasy usynyldy.