Naýryz meıramynda astanalyqtar biregeı jaryq shoýyn kóredi

Barlyq órkenıetti elderdiń astanasy sııaqty bizdiń bas qalamyz da jańa trendiler men zamanaýı jetistikterdi boıyna sińirýde. Sonyń ishinde mereke uıymdastyrý jaǵynan da eshkimnen kem emes. Bıyl da Astana qalasynyń ákimdigi qala turǵyndary men qonaqtary úshin keremet tosynsyılar, otshashýlar men kórnekti shoý ázirlegen.

Astanada Ulttyq mereke Naýryz meıramy qarsańynda biregeı jaryq shashý shoýy ótedi. Bul kórinisti jaryqtandyrý salasynyń álemge áıgili dızaıneri Kýrt Vermıýlen usynyp otyr. Jaryq shashý-shoýy 2013 jyldyń 20 naýryzynda saǵat 21.00-de Astananyń ádemi jerlerinde kórsetilmekshi.

Uıymdastyrýshylardyń aıtýynsha, ádemiligi jaǵynan tańǵajaıyp bul kórinis kórermenderdi aıyryqsha áserge bóleıtini sózsiz. Dızaınerdiń jaryq berýdegi ózindik shyǵarmashylyq qabyldaýy, sáýlettik jobalarǵa qatysty emotsıonaldyq jáne ınnovatsııalyq kózqarastary, sondaı-aq pragmatıkalyq, perfektsıonıstik jáne tehnıkalyq bilimin kórkemdik ádiste paıdalanýy men avtordyń oı-qııalynyń jemisi osyndaı keremet óner jasaýǵa múmkindik beretin kórinedi.

Kýrt Vermıýlen jumysynyń ereksheligi jańa vızýaldy dızaın ázirleý, onyń jańashyldyǵy, biregeıligi, búgingi sáýlet ónerindegi jetistikti ádisterdi engizýimen qundy.

«Biz jańa túr boıynsha zamanaýı tehnologııalar men biregeı jerlerden materıaldar alyp tájirıbe júrgizýdemiz. Bizdiń mashyqtarymyz arasyndaǵy sımbıozany bekitý bizge kórkemdik tájirıbeni jetildire túsýge, tústiń budan da keremet biregeı múmkindikterin ushtaýǵa, óner týyndysy men sáýlet jobalarynyń sara týyndysyn ómirge ákelýge múmkindik beredi», - deıdi ol.

Kýrt Vermıýlen - 2010 jyly Sıngapýrdaǵy olımpıadalyq oıyndardyń (SYOG) ashylý jáne jabylý saltanaty úshin jaryq berý jáne mýltımedıalyq dızaınniń negizin qalaýshy. Arhıtektýralyq, oıyn-saýyq jáne kórkem ınstallıatsııa salasyndaǵy 20 jyldyq jumysy ishinde Kýrt Vermıýlen kóptegen shoýlar ótkizgen. Sondaı-aq onyń kompanııasy álemdegi kóptegen iri ǵımarattar men qurylystardy jaryqtandyrýdy júzege asyrdy. Sonyń ishinde Sainte Mari shirkeýi, De Klanderij kommertsııalyq ortalyǵy, Optimum jáne Sanko Park, La Defense úshin bas jospary, qarjy ortalyqtary, Eýropa boıynsha Center Parcs-ge arnalǵan jobalar, Túrkııa, Taıaý Shyǵys, Azııada eńbektendi. 1999 jyly Kýrt birneshe jobalardy, sonyń ishinde bolashaǵy zor shoý Le Reve-ni jaryqtandyrýdy júzege asyrdy. 2005 jyldyń sáýir aıynda Wynn Las Vegas Hotel & Casino-da álemdik qaýymdastyqty qaıtalanbas ádemi kórinisterimen tań-tamasha qaldyrdy. Kóptegen jaryq berýshi dızaınerler arasynan Belgııa koroli Albert II bıleýshiniń qurmeti úshin qoıylatyn úlken kontsertti jaryqtandyrýǵa Kýrt tańdalyp alyndy.