Naýryz meıramynda Almatyda 60 tonna kóje men baýyrsaq taratylady
Bıyl kún men túnniń teńelý merekesinde árkimniń-aq qazaqtyń ulttyq taǵamdarynan dám tatýyna bolady. Barshaǵa dástúrli merekelik taǵamdar - kóje men baýyrsaq taratylady.
Naýryz merekesinde qala turǵyndaryn dámdi kójemen toıdyrýǵa Almaty qalasynyń páter ıeleri koperatıvteri de atsalysatyn boldy. Mereke 22 naýryzdan bastap, týra bir aıǵa, 21sáýirge deıin jalǵasady. Jospar boıynsha 60 tonna kóje men baýyrsaq taratylady.
Ulttyq dastarhannan bólek qalanyń jeti iri aımaǵynda halyq serýenderi ótedi. Onda kelýshiler ulttyq dala ashanasynyń ózge de taǵamdarynan dám tata alady, Almatynyń 40 meıramhanasy ózderiniń úzdik fırmalyq taǵamdaryn usynatyn kóshe buryshtaryn uıymdastyrady.
Aıta ketsek, merekelik kúnder naýryzdyń 21-nen 24-ne deıin jalǵasyp, ashyq aspan astynda festıval úlgisinde ótedi.
Eske sala keteıik, halyq serýenderi qalanyń 7 jerinde qatar ótedi:
22,23 - Astana alańynda;
21-24 - Panfılov, Jibek joly kóshelerinde;
22 - «Halyk Arena» Muz saraıynda;
22 naýryzda - «Almaty Arena» Muz kesheninde;
22 naýryzda - «Atakent» QІYO;
23 naýryzda - «Suńqar» Halyqaralyq tramplınder kesheninde.
