Naýryz meıramynda adam kóp jınalatyn jerlerde ótetin sharalarǵa tyıym salynady
NUR-SULTAN. QazAqparat - Bul týraly Ortalyq kommýnıkatsııalar qyzmetinde ótken brıfıngte QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.
«Naýryz - qazaqtyń ejelden kele jatqan meıramy, biraq eń mańyzdy másele - adamnyń qaýipsizdigi. Azamattarǵa bastaryńdy qospa dep aıtý qıyn, sebebi buryn da bir-biriniń aýyldaryna baryp amandasyp, quttyqtap qaıtqan. Naýryz meıramynda adam kóp jınalatyn jerlerde ótetin sharalarǵa tyıym salynady, biraq azamattardyń bir-birine baryp kórisýine, quttyqtaýyna shekteý qoıylmaıdy. Ár adam ózin ǵana emes, aınalasyndaǵylardy, aǵaıyn-týysty oılaýy kerek, sol sebepti burynǵydaı 500-1000 adam jınalatyn sharalarǵa tyıym salynady», - dedi Eraly Toǵjanov.
Eske sala ketsek, keshe DDSU koronavırýsty pandemııa dep jarııalap, soǵan oraı elimizde birqatar sheshim qabyldandy.
