Naýryz meıramyna oraı segiz aımaq elordaǵa azyq-túlik ónimderin alyp keledi
ASTANA. 20 naýryz. QazAqparat - Elorda Naýryz meıramyna jan-jaqty daıyndalýda. Jyl basy sanalatyn kóktemniń basty merekesin astanalyqtarmen birge toılaýǵa respýblıkanyń birneshe aımaǵynan delegatsııalar kelýde.
astana.kz saıtynyń jazýynsha, 21 naýryzda 18.00-de Beıbitshilik pen kelisim saraıynda el aımaqtarynan kelgen óner ujymdarynyń qatysýymen kontsert pen teatrlandyrylǵan qoıylym usynylady.
Naýryz meıramyna arnalǵan merekelik is-sharaǵa Qazaqstannyń túkpir-túkpirinen kelgen 30-ǵa tarta etno-folklorlyq ujym qatysady. Árbir oblys ózimen birge birneshe vokaldy-aspapty jáne bı ansamblderin alyp keledi. Astana turǵyndary men qonaqtarynyń nazaryna halyqtyq serýen, bı, poppýrı, mýzykalyq aspaptarda oınaý - barlyǵy 50-den astam nómirler usynylmaq. Olardyń ishinen rejısserler Beıbitshilik pen kelisim saraıyndaǵy kontsertke eń úzdikterin iriktep alady.
Shyǵys Qazaqstan oblysynan kelgen delegatsııanyń quramynda 18 ártis jáne 7 murajaı qyzmetkeri bar, bul oblys Astanada jeke kórmesin ashýdy josparlap otyr.
Shyǵarmashylyq nómirlerden bólek, ár oblys óz óńiriniń aldyńǵy qatarly óńdeýshi kásiporyndary shyǵarǵan azyq-túlik ónimderi jármeńkesin ótkizedi. Jármeńkege arnap «Qazaq eli» alańynda 40 kıiz úı tigiledi.
Astana qalasynyń Kásipkerlik basqarmasynan habarlaǵandaı, jármeńkege Aqmola, Qostanaı, Pavlodar, Soltústik Qazaqstan, Ońtústik Qazaqstan,, Qyzylorda, Qaraǵandy oblystary men Almaty qalasynyń kásiporyndary qatysqaly otyr.
