Naýryz meıramyna oraı qosymsha poıyzdar jolǵa shyǵady
ASTANA. QazAqparat - Naýryz meıramyn merekeleý kúnderi jolaýshylardyń suranystaryn qanaǵattandyrý maqsatynda «Jolaýshylar tasymaly» AQ «Almaty-2-Arys-1» baǵytyndaǵy №61/62 qosymsha jolaýshylar poıyzyn jolǵa shyǵaratyndyǵyn habarlady.
«Poıyz Almaty-2 stansasynan 21 jáne 28 naýryzda, Arys-1 stansasynan 22 jáne 29 naýryzda júredi. Onyń quramynda 15 vagon bar, onyń 6 kýpelik, 9 platskartty. Týyndaǵan barlyq suraqtar boıynsha temirjol vozkaldarynyń anyqtamalaryna nemese biregeı anyqtama qyzmetiniń 105 nómirine habarlasýǵa bolady», - delingen habarlamada.
