Naýryz meıramy kúnderi Astananyń jol polıtseıleri 1333 ereje buzýshyny anyqtady
ASTANA. 24 naýryz. QazAqparat - Naýryz meıramy kúnderi Astana qalasynyń jol polıtseıleri jolda júrý erejesin buzǵan 1333 júrgizýshini ustady. Bul týraly qalalyq ІІD Jol polıtsııasy basqarmasynan habarlady.
Naýryz meıramy atap ótilgen 21, 22 jáne 23 naýryz kúnderi elordalyq jol polıtseıleri kúsheıtilgen tártipte jumys istedi.
1333 júrgizýshiniń 32-si - avtokólikti mas kúıinde basqarǵany úshin toqtatylsa, jyldamdyqty belgilengen mejeden asyrǵan 100 júrgizýshige, qarama-qarsy jolǵa shyǵyp ketken - 10, kóliktiń qanaǵattanarlyqsyz tehnıkalyq jaǵdaıy úshin - 15 jáne qozǵalys kezinde uıaly telefon qoldanǵan - 71 júrgizýshige ákimshilik hattamalar toltyryldy. Taǵy 43 avtokólik aıyppul turaǵyna qoıyldy.
