Naýryz meıramy qarsańynda almatylyq 60 otbasy páter kiltine ıe boldy
ALMATY. 17 naýryz. QazAqparat /Ádilet Musahaev/ - Búgin Almaty qalasynyń ákimi Memlekettik turǵyn úı baǵdarlamasy boıynsha kezekte turǵan qalalyq týberkýlez dıspanseriniń qyzmetkerlerine páter kiltin tabys etti.
1986 jyldan beri kezekte turǵan 30 adam turǵyn úıdi jalǵa alý ıesi atandy. Olar kóp balaly otbasylar men sozylmaly aýrýdyń aýyr túrinen zardap shegetin naýqastar, 1 jáne 2 toptaǵy múgedekter.
Sondaı-aq 2010 jyldyń sońyna qaraı "100 mektep, 100 aýrýhana" baǵdarlamasy boıynsha qujat tapsyrǵan týberkýlez dıspanseriniń 30 qyzmetkeri ıpotekalyq turǵyn úıge ıe boldy.
"Elbasynyń "100 mektep, 100 aýrýhana" baǵdarlamasyna saı bizdiń elde densaýlyq saqtaýdyń jańa nysandary boı kóterýde, sondyqtan biz osy mekemelerde jumys isteıtin azamattarǵa da turǵyn úıdi birden salýdamyz", -dedi Ahmetjan Esimov, jańa páter ıelerin quttyqtaý barysynda.
Sonymen qatar atalǵan baǵdarlama aıasynda Almatydaǵy qurylystyń 4 nysany bilim berýge jáne taǵy 4-ýi densaýlyq saqtaýǵa arnalǵan bolatyn. Qazirgi tańda 4 mektep pen 1 týberkýlezge qarsy dıspanser paıdalanýǵa berilgen. Qalǵan 3 emhana jyl sońyna deıin paıdalanýǵa berilmek.
