Naýryz meıramy qarsańynda Almaty polıtsııasy kúsheıtilgen rejimge kóshpek
ALMATY. QazAqparat - Naýryz meıramy qarsańynda Almaty polıtsııasy qoǵamdyq tártipti baqylaýdy kúsheıtpek, dep habarlaıdy QazAqparat tilshisi.
15-17 naýryz aralyǵynda Almaty polıtsııasy kúsheıtilgen jumys rejimine kóshedi.
«Arnaıy josparǵa sáıkes adamdar kóp shoǵyrlanǵan jerlerde, qala kóshelerinde polıtsııa patrýliniń qatary kóbeıedi. Jeke quramnyń qataryn kóbeıtý maqsatynda polıtsııanyń basqa da bólimsheleriniń qyzmetkerleri jumyldyrylmaq. Sonymen qatar, polıtsııa kómekshileri - stýdentter uıymynyń da tartý kózdelgen. Qalalyq ІІD qyzmetkerleri qala bazarlarynda, saýda oryndarynda urlyq, urlanǵan zatty satý taǵy basqa qylmystaryn boldyrmaý úshin baqylaýdy nyǵaıtady. Onymen qosymsha kóshi-qon zańnamasyn buzǵan sheteldik azamattardy tekserý kúsheıtilmek», - dedi qalalyq ІІD resmı ókili, polıtsııa podpolkovnıgi Saltanat Ázirbek.
Polıtsııa habarlaǵandaı, meıram qarsańynda iz-túzsiz joǵalǵandar men qylmyskerlerdi, urlanǵan kólikterdi izdeý sharalary da jalǵasyn tappaq.
