Naýryz meıramy Brazılııanyń Karnavalynan kem túspeıtindeı toılanýy kerek - Jandarbek Málibekov
ASTANA. QazAqparat - QR Eltańbasynyń avtory, tanymal qazaq sáýletshisi Jandarbek Málibekov eldegi ulttyq meıramdar álemdik deńgeıde toılanýy tıis dep esepteıdi.
"Biz áli de bolsa, ótken ǵasyrdyń oı-órisimen júrmiz", - deıdi J. Málibekov "Astana sáýleti: búgin, erteń" atty dóńgelek ústelde.
"Biz ulttyq, memlekettik logıkany qalyptastyrýymyz kerek. Batysta nemese Shyǵysta ne bolsa, sony kóshire salmaı, ulttyq logıka negizinde ózimizge kerek nársemizdi qurýymyz kerek. Sondyqtan men taǵy da aıta keteıin, shetelden kelip, bizdiń mádenıetimizdi eshkim kóterip bermeıdi", - dep atap ótti sáýletshi.
"Barlyǵyn jańa standarttarmen jasaý qajet. Ásirese, bizdiń ulttyq qundylyqtarymyzdy damytý isinde. Mysaly, bizdiń ulttyq meıramdarymyz, dástúrlerimiz kóp. Búkil Qazaqstan Astanaǵa kelmekshi, ónerpazdar, qolónershiler óz ónerlerin kórsetip jatady. Mysalǵa, Naýryzdy qalaı ótkizemiz?! Árbir jerde shuqyp-shuqyp, úı tigemiz de - mine, Naýryz meıramyn ótkizdik dep jatamyz. Brazılııa elinde qandaı-qandaı karnavaldar ótedi. Meniń oıymsha, bizdiń Naýryz karnavaldan kem túspeıtindeı jasalyp jatsa, ol oǵan saı jasalatyn bolsa, búkil Qazaqstan kelip, keremet bir dúnıe shyǵyp jatsa, kelgen halyq ta qýanyp ketedi, ári bizdiń mártebemiz de kóterilip qalady.
