Naýryz meıramy: Aqmola oblysynda úzdik ata men áje anyqtaldy

KÓKShETAÝ. QazAqparat – Aqmola oblysynda Naýryz meıramy qarsańynda «Atam men ájem» festıval-baıqaýy ótti, dep habarlaıdy QazAqparat tilshisi.

Oblystyq halyq shyǵarmashylyq jáne mádenı demalys ortalyǵy uıymdastyrǵan baıqaý ulttyq qundylyqtar men dástúrlerdi nasıhattaý, otbasy yntymaqtastyǵyn nyǵaıtý, halqymyzdyń ulttyq meıramy Naýryz merekesin dáripteý, ulaǵatty dástúrdi qasterleýge, úlkendi qurmettep, syılaýǵa, ata-dástúrimizdi saqtaýǵa, ájeler men atalar isin úlkenge ónege, kishige úlgi etýge baǵyttalǵan. Baıqaý eki kezeńmen ótkizildi.

«Birinshi irikteý týry onlaın formatta ótti. Qatysýshylar ótinim men beınerolık jiberdi. Oblystyq halyq shyǵarmashylyǵy jáne mádenı demalys ortalyǵy jiberilgen beınematerıaldardy muqııat qaraǵan qazylar alqasyn qurdy. Jalpy, birinshi týrǵa 13 qatysýshy ótinim berip, onyń ishinde ekinshi irikteý týryna jáne qorytyndy kontsertke 10 qatysýshy ótti», - dedi oblystyq halyq shyǵarmashylyq jáne mádenı demalys ortalyǵynyń dırektory Ashat Magavın.

Ekinshi irikteý týry Kókshetaýdaǵy «Dostar» mádenıet saraıynda uıymdastyrylyp, júldegerleri anyqtaldy.

Baıqaý qorytyndysy boıynsha Egindikól aýdanynan kelgen ata Jumajan Májkenov pen áje Qalıpa Salına úzdik dep tanylyp, 70 000 teńgeniń aqshalaı sertıfıkatymen marapattaldy.

Barlyq qatysýshylarǵa dıplom jáne 30 000 myń tenge aqshalaı sertıfıkattarǵa ıe boldy.

Aıta ketsek, Aqmolada Naýryz meıramyn merekeleý aıasynda 1000-nan astam is-shara ótedi.