Naýryz merekesiniń tatýlyǵy jarasqan elimiz úshin mańyzy erekshe - Elbasy
ASTANA. Naýryzdyń 19-y. QazAqparat /Ernur Aqanbaı/ - Biz urpaqtan urpaqqa jalǵasyp kele jatqan izgi dástúrlerimizdi óristetip, onyń mazmunyn baıyta túsýimiz kerek. Naýryz meıramyna oraı búgin Astanada ótip jatqan «Naýryz nury» merekelik keshinde Elbasy Nursultan Nazarbaev osylaı málimdedi,
dep habarlaıdy QazAqparat.
«Tarıhtyń talaı buralań joldarynan ótken taǵdyrly halqymyz qaı kezeńde de bolmasyn Naýryzdy jadynan shyǵarǵan emes. Aqpeıil halqymyz qashan da ulystyń uly kúnin aq dastarhan jaıyp, aq tilekpen qarsy alǵan. Eldiń tynyshtyǵyn, halqynyń amandyǵyn tilegen. Bulaq kórse kózin ashyp, shybyq qadap, kórshisine kómek berip, saýapty izgi istermen aınalysqan. Biz urpaqtan urpaqqa jalǵasyp kele jatqan osyndaı izgi dástúrlerimizdi óristetip, onyń mazmunyn baıyta túsýimiz kerek», dedi óz sózinde N. Nazarbaev.
Elbasy Naýryz yqylym zamandardan beri yrys pen yntymaqtyń, tatýlyq pen tazalyqtyń, birlik pen kelisimniń meıramy bolyp esepteletinin atap kórsetti. «Naýryzda meıirim shattyqqa ulasyp, baı men jarly teńeledi. Barsha jurt yryzdyqqa keneledi. Ulystyń uly kúni aǵaıynnyń qushaǵy aıqara qabysyp, renishti jandar qaıta tabysady. Sondyqtan túsinikti tý etip, eldi birlik pen yntymaqqa, adamgershilik pen ımandylyqqa úndeıtin Naýryz merekesiniń tatýlyǵy jarasqan elimiz úshin mańyzy erekshe», dedi Prezıdent.
