Naýryz merekesine oraı qosymsha poıyzdar qatynaıtyn bolady
ASTANA. QazAqparat - Naýryz merekesi qarsańyndaǵy jáne mereke kúnderindegi jolaýshylar tasymalyna degen suranysty qanaǵattandyrý maqsatynda «Jolaýshylar tasymaly» AQ ár túrli baǵyttar boıynsha qosymsha poıyzdar shyǵardy.
Bul týraly «Jolaýshylar tasymaly» AQ baspasóz qyzmeti habarlady.
Naqtyraq aıtsaq, №153/154 «Astana-Qostanaı» poıyzy Astanadan 20 naýryzda, Qostanaıdan 21 naýryzda jolǵa shyǵady.
№61/62 «Almaty-Arys» poıyzy Almatydan 19 naýryzda, Arystan 20 naýryzda jolǵa attanady.
№151/152 «Almaty-Kókshetaý» baǵytynda qatynaıtyn jolaýshylar poıyzy Almatydan 21 naýryzda, Kókshetaýdan Almatyǵa 23 naýryz kúni qatynaıdy.
№156/155 «Qaraǵandy-Jezqazǵan» poıyzy bolsa Qaraǵandydan aldaǵy 20 jáne 24 naýryzda, Jezqazǵannan 21 jáne 25 naýryzda jolǵa shyǵady.
